الجنيه بينهار ولسه هينهار تاني .. ايه اللي حصل؟!
من فترة المؤسسات المالية الامريكية الكبيرة زي جي بي مورغان ومؤسسات التصنيف الدولي (اللي بشكل او بآخر مرتبطة بمنظومة النهب المتمثلة في صندوق النقد والبنك الدولي)
بقالهم فترة بيقولوا ان الجنيه مقيم باعلى من قيمته.. يعني الجنيه سعره أعلى من قيمته الحقيقية ب15% الى 20%
ولازم سعر الجنيه امام الدولار ينزل بنفس القيمة دي
الجنيه وقتها كان ب 15.7 تقريبا قدام الدولار
وفقا لتقارير المؤسسات دي (اللي تقاريرها دايما تخدم على صندوق النقد وزباينه المفغلين)
الجنيه كان لازم يكون سعره امام الدولار حوالي 19 او 20 جنيه (الدولار هيزيد بنفس القيمة السابقة) لو قلنا 20%
يعني الدولار سعر يزيد بمقدار خُمس قيمته اللي كانت 15.7
الخُمس يعني هيساوي حوالي 3 جنيه و14 قرش تقريبا
يعني سعر الدولار لازم يكون 15.7+3.14= 18.85 جنيه تقريبا
يعني سعر النهاردة اللي بيزيد كل ثانية (18.22 حاليا) هيفضل يصعد وأغلب التوقعات بتقول انه هبزبد لغاية ما يوصل 20 جنيها
مصر كان ممكن تنفض للتقارير السابقة وهي كانت منفضة نوعا ما
ايه اللي حصل بقى خلاها تنفذ الكلام وترفع سعر الفائدة
حاجتين:
اولا رفع سعر فائدة الدولار في امريكا.. وده مرتبط بمصطلح اتكرر كتير مؤخرا وهو المال الساخن
المال الساخن ده مقصود به فلوس يحي يحطها عندك جهات او دول او مؤسسات او مستثمرين، مقابل انه بياخد فائدة كويسة على فلوسه
شوفت لما يكون واحد جاي من الخليج ومعاه تحويشة حلوة فبدل ما يشغلها يحطها في البنك وياخد فوايدها
اهو المال الساخن زي كده بس الفرق انه بيكون بالعملة الصعبة
مع انخفاض سعر الفائدة في مصر (سعر الفائدة مقصود بيها العائد اللي هتاخده على فلوسك المودعة، يعني سعر الفائدة لو 7% يبقى ال 100 جنيه بتاعتك اللي في البنك هتاخد عليها فايدة 7 جنيه)
مع انخفاض سعر الفائدة في مصر، وصعودها في امريكا ودول كتير تانية، المال الساخن ده اللي هو جاي اصلا عشان يطلع بفوايد كويس، بدأ يهرب من عندك، وطبعا دول مش مصريين فمش هتقدر تقولهم ملكمش فلوس عندي
فبدأ المال ساخن يهرب من مصر ويروح يدور على مصلحته في بلد تانية فيها سعر فايدة كويس، وده أثر على الاحتياطي من النقد الاجنبي، فكان لازم مصر ترفع سعر الفائدة عشان تجذب المال الساخن ده من جديد
تاني سبب وده الاهم والاخطر
ان مصر عايزه تاخد قرض من صندوق النقد الدولي
وطالما روحت للصندوق، يبقى لازم تسمع كلام المؤسسات الي فوق ديوتنفذه بالحرف
المؤسسات دي ليه باقول انها تابعة للصندوق
لانها لما يكون في زبون عايز يجي ياخد قرض زي مصر، بتعمل له تقارير تفشخه هو وعملته واقتصاده وتبين له ان القرض من الصندوق هو المنقذ
ولما الزبون ياخد القرض تفضل نفس المؤسسات الويسخة دي تعمل تقارير وهمية عن تحسن العملة والاقتصاد، عشان ياخدها الاعلام الم3رص يزيط بها ويتكلم عن الطفرة والنمو الاقتصادي الحاصل
وطالما انت جاي بضهرك على حجر الصندوق وعايز قرض تاني، يبقى لازم تكمل باقي اوامره وشروطه، اللي اولها تنفيذ تقارير المؤسسات دي
ولازم تعوم الجنيه من تاني.. زي اللي حصل حاليا بس بيجملوا المشهد بانهم يقولوا انه رفع سعر الفائدة او تخفيض لقيمة الجنيه
ليست هناك تعليقات:
إرسال تعليق