نبدأ كلامنا باسم الله، مبدئيا كدا الواحد شاف الإعلان دا:
ومن ساعتها وأنا باتسائل إعلان في ميدان التايمز
بنيويورك كلّفوا كام.
بعد بحث متواضع اتّضح الآتي:
- الإعلان على
برج مبنى البورصة NASDAQ Market Site، ودا يبعد بتاع 300 متر عن ميدان التايمز Times
Square، والبرج الدعائي
بيتشاف من بعيد فشخ لأن الدعاية بتغطي 7 أدوار من التاني للتاسع.
- دوّرت على
المسؤول على الإعلان ووصلت لواحدة مسؤولة في المبنى، ولأنها مسؤولة عن البورصة وصلتي
بمسؤول الدعاية في شركة أخرى هي المسؤولة عن الدعاية في الجزء دا Bell
Tower من المبنى.
- سألتهم على
الأسعار، وطلع أن تأجير الإعلان لمدّة خمس دقايق من كل ساعة لمدة شهر بيتكلّف 125 ألف
دولار، دولار ينطح دولار.
- المبلغ بالمصري
يخش له في 900 ألف جنيه، كل دا عشان نقول للموظّفين المستعجلين ومحللي الدعاية (اللي
بيشوفوا الإعلان) إن مصر فيها استقرار ورخاء وبتاع.
#فلوسنا_كتير
المصدر:
ليست هناك تعليقات:
إرسال تعليق