يا عم الأبنودي انت كداب
وجيلك كله كداب
مسح الجوخ ما عملتم غير
ولا استرجى منكم خير
انتم كلاب الحاكم
واحنا الطير
انتم بقايا وزارة الارشاد التوجيه
واحنا الثورة جاية سيل
بنفاقكم فتحتم بيوت
واحنا شباب مش لاقي القوت
وها نفضل احنا الصوت
لما تبيعوا القضية وتحبوا الدنيا سكوت
احنا شعبين
الاول عواجيز معرصين
والتاني شباب ميت او في الزنازين
وادي خط الدم ما بين الاتنين بيفوت
انتم بعتم الثورة بشهدائها وناسها
وفي ميدان التحرير فكيتوا لباسها
بانت وش وضهر
بطن وصدر
ريحة عفنكم كتمت انفاسها
واحنا ولاد الكلب الشعب
احنا بتوع الحرية وطريقها الصعب
ضربونا بالنار والغاز والكعب
وكأننا بنحارب حرب
لكن انتم راكبين الفلك
طبلتم للملك
ايديكم نعمت من كتر ما كتبت اغاني تقنعنا ان ليالينا مش حلك
غلبت اللي طبلوا للانجليز والترك
اشوف فيكم يوم يا صاحب الملك
انا المطحون مش انت يا كذاب اللي مسجون
تاريخي مركوب مش مركون
انت كتبت قصايد مدح فرعون
وانا كتبت على حيط الزنزانة بمسمار ما فتحش الكالون
قول في حسابك كام مليون
ليست هناك تعليقات:
إرسال تعليق